මොකක්ද මේ LEED Certificate කියන්නෙ

LEED එහෙමත් නැත්නම් Leadership in Energy and Environmental Design කියන්නෙ ජාත්‍යන්තරව පිලිගත් පරිසර හිතකාමී ඉදිකිරීම් සඳහා සහතික ලබාදීමේ ක්‍රමයකි. මෙම සහතිකය ලබාදෙනු ලබන්නේ USGBC නැතහොත් U.S. Green Building Council මගිනි.

මෙම සහතිකය ලබාදීමේදී ප්‍රධාන වශයෙන් සැලකිල්ලක් දක්වනු ලබන්නේ කොපමන දුරට සහතිකය ඉල්ලුම් කරන ගොඩනැගිල්ල හෝ ඉදිකිරීම පරිසර හිතකාමී ලෙස නිර්මාණය කර තිබේද යන්නයි. මේ සඳහා USGBC විසින් ලකුනු ලබාදීමේ ක්‍රම වේදයක් හඳුන්වා දී තිබේ. මෙම ලකුනු ලබාදෙනු ලබන්නේ එම ගොඩනැගිල්ල සඳහා යොදාගෙන ඇති තිරසාර සංවර්ධන සංකල්පය, ජලය විදුලිය වැනි සම්පත් අරපිරිමසින යන්ත්‍රෝපකරණ භාවිතය, අතුලත වාතාශ්‍රය හා පරිසරයේ තත්වය, නව නිර්මාණ යොදාගැනීම, නැවත ජනිත වන බලශක්තීන් යොදාගැනීම වැනි කරුණු සලකා බැලීමෙනි.

මෙලෙස ලබාගන්නා ලකුණු ප්‍රමාණය අනුව ලබාදන සහතිකයේ තරාතිරම තීරණය කෙරේ. එනම්,

ලකුණු 40 – 49 (LEED CERTIFIED)
ලකුණු 50 – 59 (LEED SILVER)
ලකුණු 60 – 79 (LEED GOLD)
ලකුණු 80+ (LEED PLATINUM)

මෙම සහතිකය අලුතින් ඉදිකරන මෙන්ම දැනට පවතින ගොඩනැගිලි සඳහාද ලබාගත හැක.
1. නව ඉදිකිරීම්
මේ සඳහා රාජ්‍ය, පෞද්ගලික, වෙළඳ ආයතන වැනි ඕනෑම ආකාරයක ඉදිකිරීමක් එක් කළ හැක
2. දැනට පවතින ගොඩනැගිලි සඳහා
මෙම සහතිකය දැනට පවතින ගොඩනැගිලි සඳහාද ලබාගත හැක. මෙහිදී ගොඩනැගිල්ලේ පරිසර හිතකාමීත්වය පරීක්ෂා කොට සහතිකය ලබාදේ.
උදා:- කන්ඩලම හෝටලය මෙම අංශය ඔස්සේ LEED සහතිකය ලබාගෙන ඇත.